تفاجأ اللّبنانيون يوم أمس بخبر إقفال تلفزيون لبنان وتوقّفه عن بثّ البرامج المعتادة. وهذا القرار صدر عن وزير الإعلام في حكومة تصريف الأعمال زياد مكّاري، وذلك أنّ التّلفزيون لم يعد قادراً على تحملّ المتاعب أبرزها رواتب الموظّفين ورفضهم الاستمرار في عملهم، وسط غياب الحلول أو بالأحرى انعدامها.لم يمرّ هذا الخبر مرور الكرام عند اللّبنانيين، إذ تحوّلت مواقع التّواصل الاجتماعي إلى ساحة معركة صبّ فيها الرّواد غضبهم العارم. كما اعتبروا أنّ هذا الإقفال هو إهانة بحقّ الدّولة، فهي حتّى عاجزة عن تمويل تلفزيون. كما كان للنّجوم من ممثّلين، فنّانين وإعلاميين حصّتهم في التّعليق على هذا الموضوع.
تعليقات بعض النّجوم على خبر الإقفال
كارمن لبّس...ما بتقدرو غير عالوطن
كارمن لبّس
نشرت الممثّلة كارمن لبّس فيديو لها على صفحتها الرّسمية على فايسبوك، وأرفقت الفيديو بتعليق "ما بتقدرو غير عالوطن...تصبحون على وطن". وفي الفيديو عبّرت لبس عن غضبها وحزنها من خبر الإقفال. قائلة أنّه لا يوجد دولة في العالم إلاّ ولها تلفزيون ينطق باسمها إلاّ في لبنان اللاّدولة. كما توّجهت إلى السّلطة السّياسية وقالت:"أنتم دمّرتم ذاكرة وطن وشعب".
ورد الخال... اللّه لا يسامحكن
ورد الخال
بصورة من الزّمن الجميل وكلام مؤثّر على انستغرام، عبّرت ورد الخال عن حزنها الشّديد وأسفها من هذا الخبر. وقالت:"يا ريت الاشياء اللّي مش حلوة يكون إلها نهاية... مش العكس دايماً... كتار من النجوم (اذا مش كلهن) اللي من جيلي، كانت بداياتهن بفترة نهضة تلفزيون لبنان من بعد الحرب وانطلقنا(١٩٩٥) ... كتبوا مثلاً ع غوغل "العاصفة تهب مرتين " وشوفوا كل اللي طلّوا ع هالشاشة ومن بعدها كرّت السبحة كيف يعني قطعة من وعينا بدها تغيب ؟! كبرنا ع عظماء حفروا ابداعاتهن وأسسوا لأجيال من خلال هالشاشة الرائدة بالوطن العربي ، أثروا فينا لدرجة طمحنا نصير متلهن او نمشي ع خطاهن انو هيك ؟ بتقرروا تسكروها يا بلا مسؤولية ؟" وتابعت:"بس للاسف حتى ثقافتنا وفننا ما الهن قيمة بالنسبة لللي نهبوا الوطن، جشع ؟ بخل؟ ليش ما نقول كمان جهل وقلّة ضمير ...الإجرام اليوم بحق تلفزيون لبنان مش مقبول متلو متل كل جريمة ومدبحة عم ترتكبوها بحق هالبلد! اللّه لا يسامحكن."
نيكولا معوّض.:" لا في وعي ولا في ثقافة"!
نيكولا معوّض
بدوره نشر الممّثل نيكولا معوّض عبر خاصّية الستوري خبر الإقفال وعلّق عليه:"بدل ما ينصبوا حالن اوصياء على عقول النّاس ويقعدوا يمنعوا أفلام ويقطشوا أفلام وهني مش فاهمين شي من شي، كانوا يهتموا بتلفزيون البلد الرّسمي يلي مفروض يكون بالأول وبالآخر من أهمّ واجهات البلد الثقافية، بس لا في عقل ولا في وعي ولا في ثقافة."
منى أبو حمزة... شاشة الوطن
منى أبو حمزة
أمّا الاعلامية منى أبو حمزة فنشرت عبر حسابها على انستغرام صورة لوغو تلفزيون لبنان مع موسيقى النّشيد الوطني اللّبناني وكتبت:"الإهتراء العام يُطفئ شاشة الوطن وكلّ أموال المودعين لم تكفِ لسدّ رواتب موظّفيه."
وزير الإعلام يوضح حقيقة الإقفال
بعد الضّجة الكبيرة الّتي أثارها خبر إقفال تلفزيون لبنان، غرّد وزير الإعلام في حكومة تصريف الأعمال، زياد المكاري، عبر حسابه الرّسمي على منّصة X (تويتر سابقاً) بياناً أوضح فيه عن حقيقة الأمر وقال أنّ كلّ ما نُشر هو عار عن الصّحة والقرار هو تجميد البثّ وليس التّوقف النّهائي.
كما اعاد ونشر مجدّداً تغريدة توجّه فيها بالشّكر إلى موظفي التلفزيون وأعضاء النّقابة والمديرين الّذين أعادوا الرّوح لشاشة تلفزيون الوطن وأطلقوا عجلة العمل فيه من جديد.
تلفزيون لبنان... أوّل تلفزيون في الشرق الأوسط
تلفزيون لبنان
يُذكر أنّ تلفزيون لبنان قد تأسّس في نهاية الخمسينات، وكان مملوكاً لشركتين خاصتين وهما "شركة التلفزيون اللّبنانية" وتلفزيون لبنان والمشرق". وبسبب الحرب الأهلية اللّبنانية وتردّي الأوضاع الاقتصادية في لبنان، تمّ دمج الشركتين معاً تحت اسم "تلفزيون لبنان". وبعد الحرب الاهلية واستقرار الوضع، أصبح تلفزيون لبنان محطّة التلفزة الرّسمية في لبنان. وبات يُشكلّ لللّبنانيين حقبة جميلة تضمُّ أجمل الذكريات من الزمن الجميل.
